’ஒரு வாரத்துக்குள் மரண தண்டனை அமுல்படுத்தப்பட மாட்டாது’

இன்று (28) முதல் ஒரு வார காலப்பகுதிக்குள், சிறைச்சாலைகளில் தடுத்து வைக்கப்பட்டுள்ள எந்தவொரு கைதிக்கு, மரண தண்டனை அமுல்படுத்தப்பட மாட்டாதென, சிறைச்சாலைகள் ஆணையாளர் நாயகம், மேன்முறையீட்டு நீதிமன்றத்திடம் இன்று உறுதியளித்தார்.

மரண தண்டனை அமுல்படுத்தப்படுவதை இடைநிறுத்த உத்தரவிடுமாறு கோரி, மாலிந்த செனவிரத்ன என்பவரால் தாக்கல் செய்யப்பட்ட மனு, இன்று காலை விசாரணைக்கு எடுத்துக்கொள்ளப்பட்டது. இதன்போதே, மன்றில் ஆஜராகியிருந்த சிறைச்சாலைகள் ஆணையாளர் நாயகம், மேற்கண்ட உறுதிமொழியை வழங்கினார்.