கடும் மழையை எதிர்கொள்ள தயாராக இருக்கவும்

மேல் மற்றும் சப்ரகமுவ மாகாணங்களிலும், காலி மற்றும் மாத்தறை மாவட்டங்களிலும் சில பகுதிகளில் சுமார் 50 மில்லிமீற்றர் அளவில் கடும் மழை பொழியும் எனவும் மக்கள் அதற்கு தயாராக இருக்க வேண்டும் என வளிமண்டலவியல் திணைக்களம் எதிர்வு கூறியுள்ளது.

சமீபத்திய முன்னறிவிப்புகளின்படி, மேல், சப்ரகமுவ, மத்திய, ஊவா, தென் மற்றும் வடமேல் மாகாணங்களில் பிற்பகல் 2.00 மணிக்குப் பின்னர் மழை பெய்யக்கூடும் என எதிர்பார்க்கப்படுகிறது. 

மேலும், வடக்கு மற்றும் வடமத்திய மாகாணங்களில் பிற்பகல் அல்லது இரவு வேளையில் பரவலாக மழை அல்லது இடியுடன் கூடிய மழை பெய்யக்கூடும்.

சப்ரகமுவ, மத்திய மற்றும் ஊவா மாகாணங்களின் சில இடங்களில் பனிமூட்டமான நிலையும் எதிர்பார்க்கப்படுகிறது.