கல்கிஸையில் தீ விபத்து

கல்கிஸை பொலிஸ் பிரிவுக்குட்பட்ட 459, ரத்மலானை, பெலேக்கடை சந்தியில் உள்ள பூசை பொருட்களை  விற்பனை செய்யும் வியாபார நிலையத்தில் திடீர் தீ விபத்து ஏற்பட்டுள்ளதாக பொலிஸ் ஊடகபேச்சாளர் அலுவலகம் தெரிவித்துள்ளது.

இன்று செவ்வாய்க்கிழமை(01) அதிகாலை 1 மணியளவில்  ஏற்பட்ட இந்த தீ விபத்து தொடர்பில் பொலிஸ் அவசர உதவிபிரிவு இலக்கமான 119க்கு கிடைக்கபெற்ற தகவலையடுத்து தீ விபத்து தொடர்பான விசாரணைகளை பொலிஸார் முன்னெடுத்துள்ளனர்.

தீ விபத்தில் குறித்த வியாபார நிலையத்தின் சொத்துகளுக்கு சேதம் ஏற்பட்டுள்ளதுடன் உயிர்சேதம் எதுவும் ஏற்படவில்லை என தெரிவிக்கப்பட்டுள்ளது.

பொலிஸார், பொதுமக்கள், தெஹிவளை- கல்கிஸை தீயணைப்பு பிரிவினர் ஆகியோர் இணைந்து தீயை கட்டுப்பாட்டுக்குள் கொண்டுவந்துள்ளனர்.

தீ விபத்துக்கான காரணம் எதுவென இதுவரை தெரியவரவில்லை.