காணமாற்போன இளைஞர் பற்றிய தகவல்கள் இது​வரை இல்லை

மொரட்டுவை – பொல்கொட கங்கையில் படகொன்று கவிழ்ந்ததில் இளைஞரொருவர் காணாமற்போயுள்ளமை தொடர்பில் தொடர்ந்தும் தேடுதல் நடவடிக்கைகள் இடம்பெற்றுவருவதாகப் பொலிஸார் தெரிவித்தனர்.

நேற்று (15) இரவு 7 மணியளவில் காணாமற்போன குறித்த இளைஞரை தேடும் பணிகள், கடற்படையினரின் உதவியுடன் தொடர்ந்தும் முன்னெடுக்கப்பட்டுவரும் நிலையில், எனினும் எந்தவிதமான தகவல்களும் இதுவரையில் கிடைக்கவில்லையெனப் பொலிஸார் தெரிவித்தனர்.

குறித்த படகில் மூவர் பயணஞ்செய்த நிலையில், இருவர் நீந்தி கரையொதுங்கியுள்ளதுடன், மற்றைய இளைஞரே காணாமற்போயுள்ளதாகத் தெரிவிக்கப்பட்டுள்ளது.