குப்பைக் கிடங்கில் பாரிய தீ

Freelancer / 2024 மே 07 , மு.ப. 08:00 - 0 - {{hitsCtrl.values.hits}}

யாழ்ப்பாணம், நல்லூர் பிரதேச சபையின் ஆளுகையில் உள்ள இணுவில் குப்பைக் கிடங்கில் நேற்று இரவு பெரும் தீப்பரவல் ஏற்பட்டது.

இணுவில், காரைக்காலில் அமைந்துள்ள நல்லூர் பிரதேச சபையின் குப்பைக் கிடங்கிலேயே பாரிய தீ அனர்த்தம் ஏற்பட்டது.

திடீரென ஏற்பட்ட தீயைக் கட்டுப்படுத்த யாழ்ப்பாணம் மாநகர சபையின் தீயணைப்பு வீரர்கள் நீண்ட நேரம் முயற்சித்தனர். இருந்தபோதும் தற்போது நிலவும் வெப்பத்துடன் கூடிய காலநிலை காரணமாகப் பாரிய தீப்பரவல் ஏற்பட்டது.

தீ பரவிய நேரம் முதல் பிரதேச சபை செயலாளர் ஜெலீபன் மற்றும் பிரதேச சபை ஊழியர்கள் பலரும் சம்பவ இடத்தில் நின்று அதனைக் கட்டுப்படுத்தப் பெரும் முயற்சி செய்தனர்.

இதேநேரம் இந்தக் குப்பைக் கிடங்கில் இரண்டு ஆண்டுகளுக்கு முன்பும் பாரிய தீப்பரவல் ஏற்பட்டமை குறிப்பிடத்தக்கது. (a)

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .