கெக்கிராவ விபத்தில் மூவர் பலி: ஏ - 9 வீதிக்குப் பூட்டு

அனுராதபுரம் -​ கெக்கிராவையில், திப்பட்டுவாவ பகுதியில் இன்று (08), காலை இடம்பெற்ற வாகன விபத்தில், மூவர் உயிரிழந்த நிலையில், ஏ - 9 வீதியை மறித்து, பிரதேச வாசிகள் மேற்கெண்ட ஆர்ப்பாட்டம் காரணமாக, ஏ - 9 வீதி, தற்காலிகமாக மூடப்பட்டுள்ளது.

பாடசாலை மாணவர்கள் உயிரிழந்துள்ள நிலையில், குறித்த பகுதியில் ஏற்பட்ட கலவரம் காரணமாகவே, வீதியின் போக்குவரத்து முடக்கப்பட்டுள்ளது.

தம்புள்ளையில் இருந்து அநுராதபுரம் நோக்கிப் பலகை கொண்டுச்சென்ற லொரியொன்று, மேலதிக வகுப்புக்குச் செல்ல, வீதியின் ஓரமாக நின்று்கொண்டிருந்த பாசடாலை மாணவர்களை மோதிவிட்டு, நிறுத்தாமல் சென்றுள்ளது.

இந்த விபத்தில், மூன்று மாணவர்கள் உயிரிழந்த நிலையில், ​மேலுமொரு மாணவர், தம்புளை வைத்தியசாலையில் சிகிச்சை பெற்று வருகின்றார்.