கையுடன் கைகோர்த்தது மொட்டு

பிரதி சபாநாயகர் தெரிவு, பாராளுமன்றத்தில் இன்னும் சொற்ப ​நேரத்தில் இடம்பெறவுள்ளது.  

அதில், கையை சின்னமாகக் கொண்ட ஸ்ரீ லங்கா சுதந்திரக் கட்சியின் சார்பில் பிரேரிக்கும் உறுப்பினரின் பெயருக்கு ஆதரவளிக்க தீர்மானித்துள்ளதாக தாமரை மொட்டை சின்னமாகக் கொண்ட ஸ்ரீ லங்கா பொதுஜன பெரமுன அறிவித்துள்ளது.  

ஸ்ரீ லங்கா சுதந்திரக் கட்சியின் சார்பில், முன்னாள் பிரதி சபாநாயகராக பதவி வகித்த, ரஞ்சித் சியம்பலாப்பிட்டியவின் பெயர் மீண்டும் முன்மொழியப்படவுள்ளது.

எதிர்க்கட்சித் தலைவர் சஜித் பிரேமதாஸ தலைமையிலான ஐக்கிய மக்கள் சக்தியின் சார்பில், பாராளுமன்ற உறுப்பினர் இம்தியாஸ் பாக்கீர் மார்க்காரின் பெயர் பிரேரிக்கப்படவுள்ளமை குறிப்பிடத்தக்கது.