கொட்டாஞ்சேனையில் ஹெரோய்ன் சிக்கியது

ஹெரோய்ன் போதைப்பொருளை, ஓட்டோவில் கடத்திச் சென்ற ஒருவரை, கொட்டாஞ்சேனை பி​ர​ஜா மண்டபத்துக்கு அண்மையில் வைத்து கைதுசெய்துள்ளதாக பொலிஸார் தெரிவித்தனர்.

40 வயதான சந்தேகநபர், கொழும்பு-12 மிரானியா வீதியை வசிப்பிடமாகக் கொண்டவர் என்றும் அவரிடமிருந்து 1 கிலோ 5 கிராம் 640 மில்லிகிராம் ஹெரோய்ன் கைப்பற்றப்பட்டது என்றும் பொலிஸார் தெரிவித்தனர்.

கைப்பற்றப்பட்ட ஹெரோய்ன் போதைப்பொருளின் உள்ளூர் சந்தைபெறுமதி 12 மில்லியன் ரூபாயாக மதிப்பிடப்பட்டுள்ளது என்று தெரிவித்த பொலிஸார், கைதுசெய்யப்பட்ட சந்தேகநபரை மாளிகாகந்த நீதிமன்றத்தில் ஆஜர்படுத்துவதற்கு நடவடிக்கை எடுத்துள்ளதாகவும் தெரிவித்தனர்.