கொழும்பில் இன்றும் நீர் விநியோகத் தடை

கொழும்பில் சில இடங்களில் இன்றும் நீர் விநியோகத் தடை முன்னெடுக்கப்பட்டுள்ளதாக, நீர் வழங்கல், வடிகாலமைப்புச் சபை தெரிவித்துள்ளது.

வீதி அபிவிருத்தி நடவடிக்கைகள் காரணமாகவே நீர் விநியோகத் தடை முன்னெடுக்கப்பட்டுள்ளதாகவும், இன்று அதிகாலை 4 மணியிலிருந்து நாளை அதிகாலை 4 மணி வரையான 24 மணித்தியாலங்கள் நீர் விநியோகத் தடை அமுல்படுத்தப்பட்டுள்ளதாகவும் சபை தெரிவித்துள்ளது.

அதற்கமைய, ராஜகிரிய, மொரகஸ்முல்ல, அத்துல் கோட்டே, ஒபேசேகரபுர, பண்டாரநாயக்கபுர, நாவல, கொஸ்வத்த உள்ளிட்ட பிரதேசங்களிலேயே இந் நீர் விநியோகத் தடை மேற்கொள்ளப்பட்டுள்ளது.