கோட்டாவுக்கு எதிராக மீண்டும் அமெரிக்காவில் மனுதாக்கல்

பாதுகாப்பு அமைச்சின் செயலாளர் கோட்டாபய ராஜபக்‌ஷவுக்கு எதிராக, அமெரிக்காவின் கலிபோர்னியா மாநிலத்தின் மத்திய மாவட்ட நீதிமன்றத்தில் 10 மனுக்கள் தாக்கல் செய்யப்பட்டுள்ளதாக தெரிவிக்கப்படுகின்றது.

நேற்றைய தினம் இந்த மனுக்கள் தாக்கல் செய்யப்பட்டுள்ளதாகவும் இதில் 8 மனுக்களை தமிழர்களும் இரண்டு மனுக்களை சிங்களவர்களும் செய்துள்ளதாகவும், இதில் 3 பெண்களும் உள்ளடங்குவதாகத் தெரிவிக்கப்படுகின்றது.

உண்மை மற்றும் நீதி தொடர்பான சர்வதேச சட்ட நிறுவனம் ஒன்றுடன் இணைந்தே இந்த முறைப்பாடுகள் செய்யப்பட்டுள்ளன.

2005- 2015ஆம் ஆண்டு  காலப்பகுதிகளில் கோட்டாபய பாதுகாப்பு அமைச்சின் செயலாளராக கடமையாற்றியப் போது, இடம்பெற்றதாகக் கூறப்படும் சில சம்பவங்கள் தொடர்பாகவே இவருக்கு எதிராக மனுக்கள்  தாக்கல் செய்யப்பட்டுள்ளதாகத் தெரிவிக்கப்படுகின்றது.