சட்டவிரோத தங்கக் கடத்தலைத் தடுக்க நடவடிக்கை

சட்டவிரோதமான முறையில் வெளிநாடுகளுக்கு தங்கம் கடத்தும் வியாபாரத்தைத் தடுப்பதற்கு, உடனடியாக நடவடிக்கை எடுக்குமாறு ஜனாதிபதி மைத்திரிபால சிறிசேன, உரிய அதிகாரிகளுக்கு பணிப்புரை விடுத்துள்ளார்.

வங்கிகளில் ஏலம்விடப்படும் தங்கங்களையே, மேற்படி சட்டவிரோத வியாபாரிகள் பெற்றுக்கொண்டு, அவற்றை நாடு கடத்தும் நடவடிக்கைகளில் ஈடுபட்டுள்ளனர் என்று ஜனாதிபதி சுட்டிக்காட்டியுள்ளார்.
 
இந்த வியாபாரத்தைத் தடுத்து நிறுத்த, உடனடியாகவும் திட்டமிட்ட வகையிலும் நடவடிக்கை எடுப்பதன் முக்கியத்துவத்தையும், ஜனாதிபதி இதன்போது உரிய அதிகாரிகளிடம் சுட்டிக்காட்டியுள்ளார்.