சீகிரியாவில் சூரியோதயத்தை கண்டு மகிழ்ந்த சுற்றுலாப் பயணிகள்

காஞ்சன குமார ஆரியதாச

உலக சுற்றுலா தினத்தையொட்டி இன்று அதிகாலை 5 மணியிலிருந்து, சீகிரியா குன்றை பார்வையிடும் வாய்ப்பு உள்நாட்டு, வெளிநாட்டு சுற்றுலாப் பயணிகளுக்கு வழங்கப்பட்டது.

இதற்கமைய, இன்று அதிகாலை 5 மணிக்கு உள்நாட்டு, வெளிநாட்டு சுற்றுலாப் பயணிகள் சீகிரியா குன்றில் ஏறி சூரியோதயத்தை காணும் வாய்ப்பைப் பெற்றனர்.

இதவேளை, வழமையாக காலை 7 மணியிலிருந்து மாலை 5 மணி வரையே சீகிரியாக் குன்றை பார்வையிடும் வாய்ப்பு சுற்றுலாப் பயணிகளுக்கு வழங்கப்பட்டிருந்தது. எனவே இன்றுப் போலவே தொடர்ந்து வரும் நாட்களிலும் அதிகாலை 5 மணியிலிருந்து இதனைப் பார்வையிடும் வாய்ப்பை வழங்குமாறு மத்திய கலாசார நிதியத்தின் பணிப்பாளர் நாயகம் பேராசிரியர் பிரசாந்த குணவர்தன தெரிவித்துள்ளார்.