”ஜனநாயகம் முற்றி விட்டதால் ஒரு சிலரே வாக்களித்துள்ளனர்”

இலங்கையின் ஜனநாயகம் வளர்ச்சியடைந்து, இங்கிலாந்து போன்ற நாடுகளில் நீங்கள் காண்பது போலவே மாறிவிட்டது, ஏனெனில் சமீபத்திய தேர்தல்களுடன் ஒப்பிடும்போது உள்ளாட்சித் தேர்தல்களில் மிகச் சிலரே வாக்களிக்க வந்துள்ளனர் என்று முன்னாள் ஜனாதிபதி ரணில் விக்கிரமசிங்க குறைவடைந்துள்ள வாக்களிப்பு வீதம் குறித்து கருத்து தெரிவித்தார்.

"வாக்களிக்க வந்துள்ள பெரும்பாலான வாக்காளர்கள் சில வேட்பாளர்களுக்கு நெருக்கமானவர்கள் போல் தெரிகிறது," என்று வாக்களித்த பின்னர் விக்கிரமசிங்க ஊடகங்களுக்கு தெரிவித்தார்.

"இருப்பினும், இந்த தேர்தலில் எங்கள் கட்சியின் வேட்பாளர்கள் சிறப்பாக செயல்பட வேண்டும் என்று நாங்கள் விரும்புகிறோம்," என்று அவர் மேலும் கூறினார்.