ஜனாதிபதி ஊடக விருது 10ஆம் திகதி

முதன்முறையாக வழங்கப்படும் ஜனாதிபதி ஊடக விருது விழா - 2018, ஜனாதிபதி மைத்திரிபால சிறிசேன தலைமையில், கொழும்பு பண்டாரநாயக்க சர்வதேச மாநாட்டு மண்டபத்தில், எதிர்வரும் 10ஆம் திகதி மாலை 4 மணிக்கு நடைபெறவுள்ளது.

தொலைக்காட்சி, வானொலி, பத்திரிகை மற்றும் இணையத்தளம் ஊடாக, 2017ஆம் ஆண்டு ஆற்றுகைப்படுத்தப்பட்ட நிகழ்ச்சிகள் மற்றும் கட்டுரைகளுக்கு 50 விருதுகள், இதன்போது வழங்கப்படவுள்ளன. அத்துடன், வாழ்நாள் சாதனையாளர்கள் விருதுகள் நான்கும் வழங்கப்படவுள்ளன.

வாழ்நாள் சாதனையாளர் விருதுகள், பத்திரிகைத் துறையில் ​பேராசிரியர் எட்வின் ஆரியதாஸ, வானொலித்துறையில் கருணாரத்ன அமசிங்ஹ, தொலைக்காட்சிப் பிரிவில் லூசியன் புளத்சிங்ஹல, இணையத்தளத்தில் லக்ஷ்மன் ஜயவர்தன ஆகியோருக்கே வழங்கப்படவுள்ளன.