டில்வின் சில்வா உள்ளிட்ட குழுவினர் நாடு திரும்பினர்

 டி.கே.ஜி. கபில

சீன கம்யூனிஸ்ட் கட்சியின் அழைப்பின் பேரில், மக்கள் விடுதலை முன்னணியின் செயலாளர்   டில்வின் சில்வா உட்பட இலங்கை பிரதிநிதிகள் 29 பேர், நாட்டின் முன்னேற்றம் மற்றும் வளர்ச்சியைக் காண 10 நாள் பயணத்தை முடித்துக்கொண்டு  கட்டுநாயக்க விமான நிலையத்தை வியாழக்கிழமை (19) இரவு வந்தடைந்தனர்.

இந்த விஜயம் சீன அரசாங்கத்தால் நிதியுதவி செய்யப்பட்டதாகவும், நாட்டின் பல மாநிலங்களுக்குச் சென்று வருவதாகவும், அந்த நாட்டின் பல தலைவர்களைச் சந்தித்ததாகவும், அவர்கள் நாட்டின் வளர்ச்சிக்கு தொடர்ந்து பங்களிப்பதாக உறுதியளித்ததாகவும்   டில்வின் சில்வா கட்டுநாயக்க விமான நிலையத்தில் தெரிவித்தார்.

இந்த விஜயத்தின் போது, ​​கிராமப்புறங்கள் எவ்வாறு வளர்ச்சியடைந்துள்ளன, வறுமை எவ்வாறு ஒழிக்கப்பட்டுள்ளது மற்றும் தொழில்நுட்பம் இதற்கு எவ்வாறு பயன்படுத்தப்பட்டுள்ளது என்பதை சீன கம்யூனிஸ்ட் கட்சியின் அதிகாரிகள் தனக்குக் காட்டியதாகவும்   டில்வின் சில்வா கூறினார்.

அதன்படி, நாட்டில் வறுமையை ஒழிக்கவும், கிராமப்புறங்களை மேம்படுத்தவும் தொழில்நுட்பத்தைப் பயன்படுத்த தேவையான திட்டங்களைத் தயாரித்து எதிர்காலத்தில் நடவடிக்கை எடுப்பேன் என்று அவர் மேலும் கூறினார்.