தனியார் கொள்கலன் உரிமையாளர்கள் பணி புறக்கணிப்பு

இலங்கை பெற்றோலிய தனியார் கொள்கலன் உரிமையாளர்கள்  பணி புறக்கணிப்பு நடவடிக்கையில் ஈடுபட்டுள்ளனர்.

நேற்று நள்ளிரவு முதல் இந்த பணி புறக்கணிப்பு நடவடிக்கை மேற்கொள்ளப்படுகிறது.

கொடுப்பனவுகளை அதிகரிக்குமாறு கோரி இவ்வாறு போராட்டம் முன்னெடுக்கப்படுவதாக குறித்த சங்கத்தின் செயலாளர் தெரிவித்துள்ளார்.

எரிபொருள் விலை அதிகரிப்புக்கு ஏற்ப போக்குவரத்து கட்டண சூத்திரம் திருத்தப்படவேண்டுமெனவும் அவர் குறிப்பிட்டுள்ளார்.

இதேவேளை, தனியார் கொள்கலன் உரிமையாளர்கள் சங்கம் எரிபொருள் விநியோக நடவடிக்கையிலிருந்து விலகி செயற்படுமாயின் மாற்று நடவடிக்கைகளை மேற்கொள்ள தயாராக இருப்பதாக எரிசக்தி அமைச்சர் காஞ்சன விஜேசேகர நேற்று தெரிவித்திருந்தார். (a)