தாக்குதல் சம்பவம் தொடர்பில் மேலும் இருவர் கைது

உயிர்த்த  ஞாயிறன்று இடம்பெற்ற குண்டுத் தாக்குதல் சம்பவம் தொடர்பில், வரக்காபொல பகுதியில் நபரொருவரை சந்தேகத்தின் பேரில் பொலிஸார் இன்று (24) கைதுசெய்துள்ளனர்.

சந்தேகநபரிடமிருந்து, சொகுசு வான் ஒன்று, 4,தொடர்புச்சாதனங்கள், 3  மோட்டார் சைக்கிள்கள் என்பவற்றை பொலிஸார் கைப்பற்றியுள்ளனர்.

அங்குறுவெல்ல  பகுதியில் வீடொன்றை சோதனையிட்டதன் பின்னரே, பொலிஸார் மற்றும் புலனாய்வுப் பிரிவினர் குறித்த  சந்தேகநபரை கைதுசெய்துள்ளனர்.

இதேவேளை, மாவனெல்லை-ஹெம்மாதகம பிரதேசத்தில்,மடுல்போவ முஸ்லிம் பள்ளிவாசலின் மதகுரு இன்று (24) காலை புலனாய்வுப் பிரிவினரால் சந்தேகத்தின் பேரில் கைதுசெய்யப்பட்டுள்ளார்.