தாய்லாந்தில் இருந்து லிட்ரோவுக்கு எரிவாயு

புதிய ஒப்பந்தத்தின் கீழ், தாய்லாந்திலிருந்து வருடாந்தம் மூன்று இலட்சம் மெற்றிக் தொன் எரிவாயுவை கொள்வனவு செய்ய நடவடிக்கை எடுக்கப்பட்டுள்ளதாக லிட்ரோ நிறுவனம் தெரிவித்துள்ளது.

ஓமானிலிருந்து ஒரு தொன் எரிவாயுவை 105 அமெரிக்க டொலருக்கு கொள்வனவு செய்ததாகவும் தாய்லாந்திலிருந்து கொள்வனவு செய்யப்படும் ஒரு தொன் சமையல் எரிவாயுவின் விலை 95 டொலர் என்றும் லிட்ரோ நிறுவனம் குறிப்பிட்டுள்ளது.

தாய்லாந்திலிருந்து சமையல் எரிவாயுவை கொள்வனவு செய்வதன் மூலம், தொன் ஒன்றுக்கு 10 டொலர் இலாபம் கிடைப்பதாகவும் தாய்லாந்திடமிருந்து முன்பதிவு செய்யப்பட்ட முதல் தொகை எரிவாயு, அடுத்த மாதம் நாட்டுக்கு கொண்டுவரப்படும் எனவும் நிறுவனம் தெரிவித்துள்ளது.