துப்பாக்கிச் சூடு- பெண்ணொருவர் கைது

கிராண்ட்பாஸ்- ஹேனமுல்ல பிரதேசத்தில் நேற்று இடம்பெற்ற துப்பாக்கிச்  சூட்டு சம்பவம் தொடர்பில் பெண்ணொருவர் கைதுசெய்யப்பட்டுள்ளார்.

இந்தத் துப்பாக்கிச் சூட்டு சம்பவத்துக்கு குறித்த பெண் உதவி புரிந்துள்ளாரென்ற சந்தேகத்தின் பெயரிலேயே கைதுசெய்யப்பட்டுள்ளாரென்று பொலிஸ் ஊடகப் பேச்சாளர் தெரிவித்துள்ளார்.

அத்துடன் இந்த சம்பவத்தின் பிரதான சந்தேகநபரான புளுமென்டல் சங்காவை கைதுசெய்வதற்கான விசாரணைகளை பொலிஸார் முன்னெடுத்து வருவதாகவும் தெரிவிக்கப்பட்டுள்ளது.

 நேற்றுக்காலை 8 மணியளவில் இனந்தெரியாதவர்களினால் மேற்கொள்ளப்பட்ட துப்பாக்கிப் பிரயோகத்தில், ஒருவர் மரணமடைந்தார். மேலும் நால்வர் காயமடைந்தனர் என்பது குறிப்பிடத்தக்கது.