நடைமுறைக்கு வருகிறது வர்ணக் குறியீடுகள்

திண்ம மற்றும் திரவ வகை உணவுப் பொருள்களுக்கு சீனி, உப்பு, கொழுப்பு அடங்கியுள்ள வர்ண குறியீட்டு முறை இன்று முதல் நடைமுறைக்கு வருவதாக சுகாதார அமைச்சு கூறியுள்ளது.

இலங்கையின் உணவுச் சட்டத்துக்கமைய, இந்த வர்ண குறியீட்டு முறை சம்பந்தமான வர்த்தமானி அறிவித்தல் சுகாதார அமைச்சர் ராஜித சேனாரத்னவால், கடந்த ஏப்ரல் 17ஆம் திகதி வெளியிடப்பட்டது.

தொற்றா நோய்களைக் கட்டுப்படுத்தும் நோக்கில் வர்ண குறியீட்டு முறை அறிமுகப்படுத்தப்பட்டுள்ளது.

அதன்படி இன்றுமுதல் தயாரிக்கப்படுகின்ற திண்ம மற்றும் திரவ வகை உணவுப் பொருட்களுக்கு வர்ண குறியீட்டை பயன்படுத்துவதற்குறிய அனைத்து நடவடிக்கைகளும் எடுக்கப்பட்டுள்ளதாக சுகாதார அமைச்சு கூறியுள்ளது.