நாட்டின் பல பகுதிகளில் இன்று மழை

மேல், சப்ரகமுவ மாகாணங்களிலும் காலி, மாத்தறை, நுவரெலியா மற்றும் புத்தளம் ஆகிய மாவட்டங்களிலும் மழை பெய்வதற்கான சாத்தியக்கூறுகள் காணப்படுவதாக, வளிமண்டளவியல் திணைக்களம் தெரிவித்துள்ளது.

அத்துடன், ஊவா மாகாணத்தின் சில பகுதிகளில் பி.ப 2.00 மணிக்குப் பின்னர் இடியுடன் கூடிய மழை பெய்யலாம் எனவும் திணைக்களம் எதிர்வு கூறியுள்ளது. 

வடக்கு, வடமேல் மற்றும் வட மத்திய மாகாணங்களிலும் ஹம்பாந்தோட்டை மாவட்டத்திலிலும் காற்றின் வேகமானது மணிக்கு 40-50 கிலோ மீற்றர் வேகத்தில் வீசக்கூடுமென, திணைக்களம் விடுத்துள்ள அறிக்கையில் தெரிவிக்கப்பட்டுள்ளது.