நான்கு கொள்ளையர்கள் கைது

பெலியத்த நகரின் பல இடங்களிலும் இடம்பெற்ற திருட்டு, கொள்ளைகளுடன் தொடர்புடைய சந்தேகநபர்கள் நால்வர் பெலியத்த பொலிஸாரால் நேற்று (14) கைது செய்யப்பட்டுள்ளனர்.

பெலியத்த நகரில் இடம்​பெற்ற 10 திருட்டு, கொள்ளை சம்பவங்களுடன் தொடர்புடைய சந்தேகநபர்களே இவ்வாறு கைதுசெய்யப்பட்டுள்ளனர்.

கைதுசெய்யப்பட்ட சந்தேகநபர்களிடம் பெறப்பட்ட தகவலுக்கமைய, தனியார் அடகு நிலையத்தில் அடகு வைக்கப்பட்டிருந்த 1 மில்லியனுக்கும் அதிக பெறுமதியுடைய தங்க நகைகளையும் பொலிஸார் மீட்டுள்ளனர்.

சந்தேகநபர்கள் நேற்று தங்காலை நீதவான் நீதிமன்றில் ஆஜர்படுத்தப்பட்டதையடுத்து, அவர்களை 14 நாள்கள் விளக்கமறியலில் வைக்குமாறு நீதவான் உத்தரவிட்டுள்ளார்.