நீர்க் கட்டணம் 65% அதிகரிக்கும்?

எந்தவொரு காரணமுமின்றி, நீ​ர்க் கட்டணத்தை 65 சதவீதமளவில் அதிகரிப்பதற்கு அரசாங்கம் நடவடிக்​கை எடுத்துள்ளதென, நுகர்வோரைப் பாதுகாப்பதற்கான தேசிய வேலைத்திட்ட அமைப்பு தெரிவிக்கின்றது.

வாழ்க்கைச் செலவு அதிகரிப்பால், பொதுமக்கள் பாதிக்கப்பட்டுள்ள நிலையில், நீர்க் கட்டணத்தையும் அதிகரித்து, மக்களின் சுமையை அதிகரிக்க நடவடிக்கை எடுக்கப்பட்டுள்ளதாகவும், அவ்வமைப்பு தெரிவித்துள்ளது.

நீர்க் கட்டணத்தை அதிகரிக்க முன்னர், நுகர்வோரின் தேவைகளை நிறைவேற்ற, தேசிய நீர் வழங்கல் மற்றும் வடிகாலமைப்புச் சபை நடவடிக்கை எடுக்க வேண்டுமென, மேற்படி அமைப்பின் தலைவர் ரஞ்சித் விதானதே தெரிவித்துள்ளார்.

இது தொடர்பில் கருத்துத் தெரிவித்துள்ள நகரத் திட்டமிடல், நீர் வழங்கல் வடிகாலமைப்பு அமைச்சர் ரவூப் ஹக்கீம், நீர்க் கட்டண அதிகரிப்பு தொடர்பான இறுதி முடிவு, அமைச்சரவை வசமுள்ளதென்றுக் கூறினார்.