பிரதமர் நரேந்திர மோடியின் பாக்.விஜயம்  இராஜதந்திர நடவடிக்கை: சுஸ்மா

இந்திய பிரதமர் நரேந்திர மோடி, பாக்கிஸ்தானுக்கு இன்று விஜயம் செய்து அந்நாட்டு பிரதமர் நவாஸ் ஷெரிப்பை சந்தித்து பேச்சுவார்த்தை நடத்தியமை இராஜதந்திர நடவடிக்கையாகும் என்று இந்திய வெளிவிவகார அமைச்சர் சுஸ்மா சுவராஜ் தெரிவித்துள்ளார்.

இந்திய பிரதமர் நரேந்திர மோடியின் விஜயத்தை முன்னிட்டு அங்கு நான்கடுக்குப் பாதுகாப்புகள் வழங்கப்பட்டிருந்தன. பாக்கிஸ்தான் பிரதமர் நவாஸ் ஷெரிப்புக்கு தனது பிறந்தநாள் வாழ்த்துக்களையும் இந்திய பிரதமர் நரேந்திர மோடி தெரிவித்துக்கொண்டார்.

பாக். பிரதமரை  சந்தித்து பேச்சுவார்த்தை நடத்தியமை இராஜதந்திர நடவடிக்கையாகும் என்று இந்திய வெளிவிவகார அமைச்சர் சுஸ்மா சுவராஜ் தெரிவித்திருந்த போதிலும் பிரதமர் நரேந்திர மோடியின் பாகிஸ்தான் விஜயத்தை காங்கிரஸ் கண்டித்துள்ளது.