பசிலுக்கு இன்று “பிஸி டே”

பசில் ராஜபக்ஷ முக்கியமான அமைச்சரவை அமைச்சு பொறுப்புடன் மீண்டும் பாராளுமன்றத்திற்குள் நுழைவதால் இன்று அவருக்கு வேலைப்பளுவுடன் கூடிய பரபரபான நாளாக இருக்கும்.

இன்று காலை ஜனாதிபதி செயலகத்தில் ஜனாதிபதி கோட்டாபய ராஜபக்ஷ  முன்னிலையில், நிதியமைச்சராக  பசில் பதவியேற்பார் என்று அறிய முடிகின்றது.

அதன்பின்னர் அவர் பாராளுமன்றத்திற்குச் செல்வார், அங்கு  சபாநாயாகர் மஹிந்த யாப்பா அபேவர்தன முன்னிலையில் தேசியப் பட்டியல் எம்.பி. யாக பதவியேற்பார்.

பின்னர், பிரதமர் மஹிந்த ராஜபக்ஷவை பாராளுமன்றத்தில் உள்ள அவரது அறையில் மரியாதை நிமித்தம் சந்திக்கவுள்ளார்.

பின்னர் நிதி அமைச்சகத்தில் அவர் தனது கடமைகளை பொறுப்பேற்றுக்கொள்வார் என அறியமுடிகின்றது.