பஸ் சில்லுகளுக்குள் சிக்கி மாணவி படுகாயம்

காலி-எல்பிட்டி தனியார் பஸ்ஸொன்றின் முன் கதவு வழியாக ஏறிய மாணவி, தடுக்கி கீழே விழுந்ததில், அதே பஸ்ஸின் பின் சில்லுகளுக்குள் சிக்கி படுகாயமடைந்த நிலையில் கராப்பிட்டிய வைத்தியசாலையில் அனுமதிக்கப்பட்டள்ளதாக பொலிஸார் தெரிவித்தனர்.
குறித்த மாணவி, முதலில் உடுவில வைத்தியசாலையில் அனுமதிக்கப்பட்டிருந்த நிலையில் மேலதிக சிகிச்சைகளுக்காக கராப்பிட்டிய வைத்தியசாலையில் தற்போது அனுமதிக்கப்பட்டுள்ளார்.
இது தொடர்பான விசாரணைகளை மீட்டியாகொட பொலிஸார் மேற்கொண்டு வருகின்றனர்.