பஸ் டயர்களை பஞ்சராக்கிய விஷமிகள்

அடையாளம் தெரியாத நபர்களால், பண்டாரகம பொலிஸ் நிலையத்துக்கு முன்பாக, நேற்று இரவு  நிறுத்தி வைக்கப்பட்டிருந்த  6 பஸ்களின் டயர்களின் காற்று வெளியேற்றப்பட்டுள்ளது.

 இதில் பாணந்துறை பஸ் டிப்போவுக்குரிய பஸ்கள் 3, மொரட்டுவ டிப்போவுக்குச் சொந்தமான 2, உடஹாமுல்ல டிப்போவுக்குரிய பஸ் ஒன்றின் டயர்களின் காற்றே வெளியேற்றப்பட்டதாக, பாணந்துறை டிப்போவின் முகாமையாளர் டீ.ஜே.சீ. பெர்னாண்டோ தெரிவித்துள்ளார்.

இதன் காரணமாக 1000க்கும் மேற்பட்ட பயணிகள் பெரும் ​அசௌகரியத்துக்கு உள்ளாகியதாகவும் இது தொடர்பில், பண்டாரகம பொலிஸ் நிலையத்தில் முறைபாடு செய்துள்ளதாகவும் அவர் தெரிவித்துள்ளார்.

அத்துடன் இந்த நாசகார செயற்பாடுகளில் ஈடுபட்டவர்கள் பாணந்துறை- ஹொரனை, பாணந்துறை- அட்டலுகம ஆகிய பிரதேசங்களில் சேவையில் ஈடுபடும் தனியார் பஸ் சாரதிகளும் நடத்துந​ர்களும் என்று டீ.ஜே.சீ. பெர்னாண்டோ  தெரிவித்துள்ளார்.