பஸ் விபத்தில் 38 பேர் காயம்

பெலன்பிட்டியவிலிருந்து யட்டியந்தோட்டை நோக்கி பயணித்த பஸ்ஸொன்று  வீஓயா தோட்ட ஆலயத்துக்கு அருகில் விபத்துக்குள்ளானதில், 38 பேர் காயமடைந்து வைத்தியசாலையில் அனுமதிக்கப்பபட்டுள்ளனர்.

அவிசாவளை டிப்போவுக்குச் சொந்தமான பஸ் வண்டியே இன்று காலை வீதியை விட்டு விலகி, 40 அடி பள்ளத்தில் விழுந்து விபத்துக்குள்ளாகியுள்ளது.

இச்சம்பவத்தில் காயமடைந்தவர்களுள் 4 பாடசாலை மாணவர்களும் ஆசிரியர் ஒருவரும் உள்ளடங்குவதாகவும், இவர்கள்  கரவனல்ல வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளதுடன், இவ்விபத்தால் எவருக்கும் பாரிய காயங்கள் எதுவும் ஏற்படவில்லை என்றும் தெரிவித்துள்ளனர்.