’பாதீட்டை எதிர்க்காவிடின் மொட்டு - சு.க பேச்சு தொடராது’

-பா.நிரோஸ்

2019ஆம் ஆண்டுக்கான வரவு - செலவுத் திட்டத்தை (பாதீடு), ஸ்ரீ லங்கா சுதந்திரக் கட்சியின் நாடாளுமன்ற உறுப்பினர்கள் எதிர்க்காவிடின், அக்கட்சியுடனான பேச்சுவார்த்தையிலிருந்து, ஒன்றிணைந்த எதிரணி (தாமரை மொட்டுச் சின்னம்) விலகுமென, அவ்வெதிரணியின் நாடாளுமன்ற உறுப்பினர்கள் அறிவித்துள்ளதாகத் தெரிவிக்கப்படுகின்றது.

இதேவேளை, வரவு - செலவுத் திட்டத்தின் இறுதி வாக்கெடுப்பின் போது, ஐ.தே.கவுக்கு எதிரான அரசியல் தீர்மானம் ஒன்றை, ஸ்ரீ லங்கா சுதந்திரக் கட்சியே எடுக்க வேண்டுமென, எதிர்க்கட்சி அலுவலகத்தில் இன்று (03) நடைபெற்ற ஊடகவியலாளர் சந்திப்பில் கலந்துகொண்டு கருத்துரைத்த நாடாளுமன்ற உறுப்பினர் டலஸ் அழகப்பெரும தெரிவித்தார்.