புதிய ஆணையாளர் நாயகத்துக்கு எதிர்ப்பு

தேசிய இறைவரித் திணைக்களத்தின் புதிய ஆணையாளர் நாயகமாக மத்திய வங்கியின் துணை ஆளுநர் சீ.ஜே.பீ. சிறிவர்தனவை நியமிப்பதற்கு எதிர்ப்பு தெரிவித்து, நாளைய தினம் எதிர்ப்பு ஆர்ப்பாட்டம் ஒன்று முன்னெடுக்கப்படவுள்ளதாக, தேசிய இறைவரி பொது சேவையாளர் சங்கம் தெரிவித்துள்ளது.

தம்மால் முன்னெடுக்கபடவுள்ள எதிர்ப்பு ஆர்ப்பாட்டத்துக்கு அதிகாரிகள் சரியான தீர்வை வழங்காவிடின், எதிர்வரும் நாட்களில் தொழிற்சங்க நடவடிக்கையை முன்னெடுக்கவுள்ளதாக, தேசிய இறைவரி பொது சேவையாளர் சங்கத்தின் பிரதான செயலாளர் அஜித் புஸ்பகுமார தெரிவித்துள்ளார்.

இலங்கை மத்திய வங்கியில் 32 வருட அனுபவம்  கொண்ட அதிகாரியான சிறிவர்தனவை தேசிய இறைவரித் திணைக்களத்தின் புதிய ஆணையாளர் நாயகமாக நியமிக்க  நிதியமைச்சர் மங்கள சமரவீரவின் பரிந்துரைக்கு அமைச்சரவை நேற்று அனுமதியளித்துள்ளது.