புத்தாண்டுச் சலுகை

சித்திரைப் புத்தாண்டை முன்னிட்டு  சதொச நிறுவனம் அத்தியாவசியப் பொருள்கள் சிலவற்றின் விலைகளைக் குறைத்துள்ளது.  

அமைச்சர் ரிஷாட் பதியுதீனின் அறிவுறுத்தலுக்கும் ஆலோசனைக்கும் அமைய, நடைமுறைக்கு வரும் இந்த விலைக்குறைப்பானது நேற்று (04) முதல் அமுலுக்கு வந்துள்ளது என நிறுவனத்தின் தலைவர் தாரிக் தெரிவித்தார்.

இதேவேளை, மேலும் 15 சதொச கிளைகளை, புத்தாண்டுக்கு முன்னர் நிறுவுவதற்கு, நடவடிக்கை எடுக்கப்பட்டுள்ளது. களுத்துறை, தனமல்விலயில் இரண்டு கிளைகள் திறந்துவைக்கப்பட்டுள்ளன எனத் தெரிவித்த அவர், நாடளாவிய ரீதியில் தற்போது, 411 சதொச கிளைகள் உள்ளன. அவற்றை, இவ்வருட முடிவுக்குள் 500 ஆக அதிகரிக்க திட்டமிடப்பட்டுள்ளது என்றார்.