முதலாம் வகுப்புக்கு ஒருவர் குறைப்பு

அரச பாடசாலைகளில் 2017ஆம் ஆண்டுக்கான முதலாம் தரத்துக்கு மாணவர்களைச் சேர்த்துக்கொள்வதற்கான வழிமுறைகள் மற்றும் மாதிரி விண்ணப்பங்களை, கல்வியமைச்சு நேற்றுத் திங்கட்கிழமை வெளியிட்டுள்ளது.

இதனடிப்படையில், முதலாம் தர வகுப்பொன்றுக்குச் சேர்த்துக்கொள்ளப்படும் மாணவர்களின் எண்ணிக்கை, 40இலிருந்து 39ஆகக் குறைக்கப்பட்டுள்ளது.

முதலாம் தர வகுப்பொன்றுக்காக 34 பிள்ளைகள் பாடசாலையின் மூலமும்;, 05 பிள்ளைகள் யுத்த நடவடிக்கைப் பணிகளில் ஈடுபட்ட முப்படைகள், பொலிஸ் உறுப்பினர்களின் பிள்ளைகளிலிருந்தும் தெரிவு செய்யப்படுவர். இதன்படி, வகுப்பொன்றில் இருக்க வேண்டிய உச்ச மாணவர்களின் எண்ணிக்கை 39 ஆகும் என்றும் அறிவிக்கப்பட்டுள்ளது.