மதிலேறி தப்பிய மூவருள் ஒரு கைதி சிக்கினார்

 துஷிதகுமார சில்வா

களுத்துறை- ஜாவத்த சிறைச்சாலையின் மதிலேறி இன்று (2) அதிகாலை  தப்பிச் சென்ற 3 கைதிகளுள் ஒருவர்  சிறைச்சாலை அதிகாரிகளால் கைதுசெய்யப்பட்டுள்ளனரென, களுத்துறை- வடக்கு பொலிஸார் தெரிவித்தனர்.

கைதுசெய்யப்பட்ட கைதி களுத்துறை- வடக்கு கல்பாத பிரதேசத்தைச் சேர்ந்தவர் என்றும் இவர் தற்போது சிறைச்சாலை வைத்தியசாலையில் அனுமதிக்கப்பட்டுள்ளாரென்றும் தெரிவிக்கப்பட்டுள்ளது.

இன்று  (2) அதிகாலை  பெய்த கடும் மழைக்கு மத்தியில், தப்பிச் சென்ற 3 கைதிகளும் போதைப் ​பொருள் தொடர்பில் குற்றச்சாட்டுக்காக சிறைத்தண்டனை அனுபவித்து வந்தவர்கள் என்றும் தெரிவிக்கப்பட்டுள்ளது.

இவ்வாறு தப்பிச் சென்றவர்கள் 24, 32 மற்றும் 23 வயதுடையவர்கள் என்றும், இவர்களைக் கைது செய்வதற்கான விசாரணைகள் பொலிஸார் ஆரம்பித்துள்ளனரென்றும்  உயர் பொலிஸ் அதிகாரியொருவர் தெரிவித்துள்ளார்.