மனைவி கொலை: கணவருக்கு மறியல்

-எம் றொசாந்த் 

குடும்ப தகராறு காணரமாக,  மனைவியை கத்தியால் குத்திக் கொலை செய்த குடும்பஸ்தரை, ஜூலை 12ஆம் திகதிவரை விளக்கமறியலில் வைக்குமாறு,  யாழ்ப்பாணம் நீதிமன்ற நீதவான் ஏ.எஸ்.பி. போல் உத்தரவிட்டார். 

யாழ்ப்பாணம் – குருநகர், சென்றொக் வாசிகசாலைக்கு அருகாமையில் வசிக்கும்  3 பிள்ளைகளின் தாயரான ஜே.யு. பொலினியா (வயது 47) என்பவரே இவ்வாறு கொலை செய்யப்பட்டுள்ளார்.. 

இந்தச் சம்பவம், வியாழக்கிழமை இடம்பெற்றது.

அவரது உடலில் கழுத்து உள்பட 12 இடங்களில் கத்திக் குத்து இருந்ததாகத் தெரிவிக்கப்பட்டது. 

இச்சம்பவத்தை அடுத்து தலைமறைவாகியிருந்த குடும்பஸ்தர், வியாழக்கிழமை மாலை, யாழ்ப்பாணம் பொலிஸ் நிலையில் சரணடைந்திருந்தார்.

விசாரணைகளின் பின்னர், சந்தேகநபர் யாழ்ப்பாணம் நீதிவான் நீதிமன்றில், நேற்று முற்படுத்தப்பட்டார்.

வழக்கை விசாரித்த நீதவான், சந்தேகநபரை வரும் 12ஆம் திகதி வரை விளக்கமறியலில் வைக்குமாறு உத்தரவிட்டார்.