மழையுடனான வானிலை இன்று கூடும்

நாட்டில் தற்போது காணப்படும் மழையுடனான வானிலையில் இன்று மேலும் அதிகரிக்கக்கூடும் என்று, வளிமண்டலவியல் திணைக்களம் எதிர்வு கூறியுள்ளது.

இதற்கமைய, சப்ரகமுவ, மத்திய மாகாணங்களில் சில இடங்களில் 150 மில்லிமீற்றருக்கும் அதிகமான மழைவீழ்ச்சி பதிவாகும் என்று எதிர்பார்க்கப்படுகின்றது.

மேல், வடமேல், தென்,  ஊவா மாகாணங்களில் சில இடங்களில் 100 மில்லிமீற்றருக்கும் அதிகமான மழைவீழ்ச்சி பதிவாகும் என்று எதிர்பார்க்கப்படுகின்றது.

ஏனைய பிரதேசங்களில், குறிப்பாக வடமத்திய மாகாணத்திலும் மன்னார், வவுனியா மாவட்டங்களிலும் சில இடங்களில் 75 மில்லிமீற்றர் அளவான மழைவீழ்ச்சி எதிர்பார்க்கப்படுகின்றது.