மஹிந்தவுக்கும் முன்னாள் பாதுகாப்பு பிரதானிகளுக்குமிடையில் கலந்துரையாடல்

எதிர்க்கட்சித் தலைவர் மஹிந்த ராஜபக்‌ஷவுக்கும் முன்னாள் பாதுகாப்பு பிரிவுகளின் பிரதானிகளுக்கிடையில் விசேட கலந்துரையாடல் ஒன்று தற்போது இடம்பெற்று வருகின்றது.

எதிர்க்கட்சித் தலைவர் மஹிந்தவின் இல்லத்தில் இக்கலந்துரையாடல் இடம்பெற்று வருவதாகத் தெரிவிக்கப்பட்டுள்ளது.

பாதுகாப்பு அமைச்சின் முன்னாள் செயலாளர் கோட்டாபய ராஜபக்‌ஷ, முன்னாள் கடற்படைத் தளபதிகளான வசந்த கரன்னாகொட, மொஹான் விஜேவிக்ரம, முன்னாள் இராணுவத் தளபதிகளான தயா தென்னக்கோன், ஜகத் ஜயசூரிய, முன்னாள் விமானப்படைத் தளபதியான ரொசான் குணதிலக, முன்னாள் பொலிஸ்மா அதிபர் மஹிந்த பாலசூரிய ஆகியோருடனே மஹிந்த கலந்துரையாடி வருவதாகத் தெரிவிக்கப்பட்டுள்ளது.

இந்தக் கலந்துரையாடலில் வாசுதேவ நாணயக்கார, டலஸ் அழகப்பெரும, பெஷில் ராஜபக்‌ஷ, ஜீ.எல்.பீரிஸ், பந்துல குணவர்தன ஆகியோரும் கலந்துக்கொண்டுள்ளதாகத் தகவல்கள் தெரிவிக்கின்றன.