‘மாகாண சபைத் தேர்தலை முதலில் நடத்துவதால், பிரச்சினைகளுக்கு தீர்வு கிடைக்காது’

மாகாண சபைத் தேர்தலை முதலில் நடத்துவதால், நாட்டில் ஏற்பட்டுள்ள பிரச்சினைகளுக்கு தீர்வு கிடைக்காதென, ஐக்கிய தேசியக் கட்சியின் நாடாளுமன்ற உறுப்பினர் விஜேபால ஹெட்டிஆராச்சி தெரிவித்துள்ளார்.

நேற்றைய தினம் ஜனாதிபதி மைத்திரிபால சிறிசேன தெரிவித்துள்ள கருத்து தொடர்பி​லேயே நாடாளுமன்ற உறுப்பினர் இவ்வாறு பதிலளித்துள்ளார்.

ஐக்கிய தேசியக் கட்சிக்கு ​தேவை என்றால், நாடாளுமன்றத்தில் அதிக அதிகாரத்துடன் பலமிக்க அரசாங்கத்தை அமைப்பதாகவும் அவ்வாறு முடியாவிட்டால் ஜனாதிபதி பதவியை ஐ.தே.க பெற்றுக்கொண்டு, நாட்டை ஒரே கொடியின் கீழ் கொண்டு வருவதாகவும் அவர் தெரிவித்துள்ளார்.