முள்ளுத் தேங்காய் செய்கைக்கு எதிராக போராட்டம்

கேகாலை மாவட்டத்தில் முன்னெடுக்கப்படும் முள்ளுத்தேங்காய் செய்கைக்கு எதிர்ப்புத் தெரிவித்து அவிசாவலையில் போராட்டம் ஒன்று முன்னெடுக்கப்பட்டது.

முள்ளுத்தேங்காய் செய்கையை நிறுத்துமாறு பெருந்தோட்ட கைத்தொழில் அமைச்சினால் அறிவிக்கப்பட்டு 2 மாதங்கள் நிறைவடைந்துள்ள போதிலும், அதற்கான எந்தவிதமான நடவடிக்கைகளும் முன்னெடுக்கப்படவில்லை எனத் தெரிவித்தே இவ்வாறு எதிர்ப்பு போராட்டம் ஒன்று முன்னெடுக்கப்பட்டது.

அவிசாவலை - ஹட்டன் பிரதான வீதியை மறைத்து மேற்கொள்ளப்பட்டப் போராட்டத்தால் போக்குவரத்து பாதிக்கப்பட்டதைத் தொடர்ந்து, பொலிஸார் போராட்டக் காரர்களை கலைத்துள்ளனர்.