மேல் மாகாணத்தில் 330 பேர் கைது

மேல்மாகாணத்தில் முன்னெடுக்கப்பட்ட விசேட சுற்றிவளைப்பில் மேலும் 330 சந்தேக நபர்கள் கைதுசெய்யப்பட்டுள்ளதாக பொலிஸார் தெரிவித்துள்ளனர்.

நேற்று (20) காலை 06 மணிமுதல் இன்று (21) அதிகாலை 05 மணிவரையான காலப்பகுதியில் முன்னெடுக்கப்பட்ட சுற்றிவளைப்பில் இவர்கள் கைதுசெய்யப்பட்டுள்ளனர்.

இவர்களில் 138பேர் ஹெரோயன் போதைப்பொருள் வைத்திருந்த குற்றச்சாட்டில் கைதாகியுள்ளனர்.

கஞ்சாவுடன் 71 பேரும், சட்டவிரோத மதுபானங்களுடன் 78 பேரும் கோடா மற்றும் ஐஸ் போதைப்பொருளுடன் 22 பேரும் ஏனைய குற்றங்களுடன் தொடர்புடைய 21 பேரும் கைதுசெய்யப்பட்டுள்ளனர்.