யானை தந்தங்கள் மற்றும் ஹெரோய்னுடன் நபர் கைது

கொழும்பு  - தெமட்டகொடை பகுதியில் வைத்து நான்கு யானை தந்தங்கள் மற்றும் ஹெரோய்ன் போதைப் பொருளுடன் சந்தேகநபரொருவர் கைது செய்யப்பட்டுள்ளார்.

குறித்த நபரிடமிருந்து கஜமுத்துக்கள் கொண்ட யானை தந்தங்களாக இருக்குமென சந்தேகிக்கப்படும் 4 யானை தந்தங்களும் அத்தோடு, 4 கிராம் ஹெரோய்ன் போதைப் பொருளும் கைப்பற்றப்பட்டதாகத் தெரிவித்தப் பொலிஸார், இன்று (26) குறித்த நபரை மாளிகாகந்த
நீதவான் நீதிமன்றத்தில் ஆஜர்ப்படுத்தப்படவுள்ளதாகத் தெரிவித்தனர்.

மேலும், குறித்த சந்தேகநபர் தெமட்டகொடை பிர​தேசத்தைச் சேர்ந்த 21 வயதுடையவரெனவும் பொலிஸார் தெரிவித்தனர்.