ரூ.13,347 மில்லியன் நிலுவையில் உள்ளது

இலங்கை பெற்றோலியக் கூட்டுத்தாபனத்துக்கு, அரச நிறுவனங்கள் உட்பட தனியார் நிறுவனம் 13,347மில்லியன் ரூபாய் நிலுவைத் தொகையை செலுத்த வேண்டியுள்ளதாக  மின்சாரத்துறை மற்றும் வலுசக்தி இராஜாங்க அமைச்சர் டி.வி.சானக தெரிவித்தார்.

பாராளுமன்றத்தில் புதன்கிழமை (08) இடம்பெற்ற  வாய்மூல விடைக்கான வினாநேரத்தில் சுயாதீன எதிரணி எம்.பி.யான  தயாசிறி ஜயசேகர எழுப்பிய  கேள்விகளுக்கு பதிலளிக்கும்போதே இதனைத் தெரிவித்தார். 
 
இலங்கை மின்சார சபை,தனியார் நிறுவனம்,புகையிரத திணைக்களம்,இராணுவம்,கடற்படை,விமானப்படை மற்றும் பொலிஸ் ஆகிய நிறுவனங்கள் பெற்றோலிய கூட்டுத்தாபனத்துக்கு  நிலுவைத் தொகை செலுத்த வேண்டியுள்ளன.

மின்சார சபை 3,529 மில்லியன் ரூபாய்,தனியார் நிறுவனம் ஒன்று  39 மில்லியன் ரூபாய், புகையிரத திணைக்களம் 2,544 மில்லியன் ரூபாய்,இராணுவம் 3,149 மில்லியன் ரூபாய்,விமானப்படை 4,011 மில்லியன்  ரூபாய் மற்றும் பொலிஸ் 75 மில்லியன் ரூபாய் என்ற அடிப்படையில்  13,347 ரூபாய் நிலுவை தொகை செலுத்த வேண்டியுள்ளது  என்றார்.