’ரவிக்கு எதிரான எழுத்து மூல விமர்சனத்தை முன்வைக்க கால அவகாசம்’

பிணைமுறி மோசடி தொடர்பான விசாரணை ஆணைக்குழுவில் பொய் சாட்சியம் வழங்கியமைக்கு எதிராக, முன்னாள் நிதியமைச்சர் ரவி கருணாநாயக்கவுக்கு எதிரான எழுத்து மூல விமர்சனத்தை முன்வைக்க, கொழும்பு நீதவான் நீதிமன்றம் குற்றப் புலனாய்வு பிரிவு அதிகாரிகளுக்கு  கால அவகாசம் வழங்கியுள்ளது.

இது தொடர்பிலான மனுவானது, இன்று (26) கொழும்பு நீதவான் நீதிமன்றில் விசாரணைக்காக எடுத்துகொண்டபோது, குற்றப் புலனாய்வு பிரிவினரால் கால அவகாசம் கோரப்பட்டமைக்கு அமைவாக, பிரதான நீதவான் ரங்க திஸாநாயக்கவினால் எதிர்வரும் 28 ஆம் திகதி வரையில் கால அவகாசம் வழங்கப்பட்டது.