வங்கி கொள்ளை: முன்னாள் பொலிஸ் கான்ஸ்டபிள் கைது

ஹங்வெல்ல, கஹாஹேனே வங்கியில் கடந்த 10ஆம் திகதியன்று 26 இலட்சம் ரூபாயை கொள்ளையடித்த நால்வரில் முன்னாள் பொலிஸ் கான்ஸ்டபிள் கைது செய்யப்பட்டுள்ளதாக பொலிஸார் தெரிவித்தனர்.

கிராந்துகோட்டையில் வைத்தே இவரை, இன்றுக்காலை கைது செய்ததாக பொலிஸார் தெரிவித்தனர்.

அவரை கைதுசெய்யும் போது அவரிடம் ஏழுபதாயிரம் ரூபாய் இருந்தது என்றும் பொலிஸார் தெரிவித்தனர். இந்த கொள்ளை சம்பவத்தில் அவருக்கு 2 இலட்சத்து 10ஆயிரம் ரூபாய் கொடுக்கப்பட்டுள்ளதாக ஆரம்பக்கட்ட விசாரணைகளில் இருந்து தெரியவந்துள்ளது.

வங்கியில் கொள்ளையடித்துக்கொண்டு தப்பிச்செல்கையில், மோட்டார் சைக்கிளை குறித்த முன்னாள் பொலிஸ் கான்ஸ்டபிள் செலுத்திச்சென்றதாக தெரிவிக்கப்படுகின்றது.

இந்த கொள்ளைக்கு உதவி ஒத்தாசை வழங்கிய மேலும் இருவரை கைதுசெய்துள்ளதாகவும் பொலிஸார்; தெரிவித்தனர்.