‘வாக்குகளுக்காக மக்களை ஏமாற்றுகிறார்கள்’

ஹம்பாந்தோட்டை மக்களை ஏமாற்றியது போல், குருநாகல் மாவட்ட மக்களையும் வாக்குகளுக்காக இப்போது ஏமாற்றிக்கொண்டிருக்கிறார்கள் என,  தேசிய ஐக்கிய முன்னணியின் தலைவரும் முன்னாள் ஆளுநருமான அசாத் சாலி தெரிவித்தார்.

கொழும்பில் நடைபெற்ற ஊடகவியலாளர் சந்திப்பில் கருத்து தெரிவித்தபோதே, அவர் இவ்வாறு தெரிவித்தார்.

இலங்கைச் சொத்துகளை விற்பனை செய்த சூரர்கள் யாரென்று மக்களுக்கு நன்கு தெரியும் எனத்  தெரிவித்த அசாத் சாலி, இலங்கையின் பொருளாதாரத்தை பாதாளத்துக்கு தள்ளியவர்கள், நல்லாட்சி அரசு பற்றி விமர்சிக்க எந்தவித தகுதியும் இல்லாதவர்கள்” எனவும் அவர் மேலும் தெரிவித்தார்.