விபத்தில் நபர் பலி

கொழும்பு – சிலாபம் கொஸ்வாடிய பகுதியில் தனியார் பஸ்ஸொன்றும் கெப் ரக வாகனமொன்றும் நேருக்கு நேர் மோதி கொண்டதில், ஒருவர் உயிரிழந்துள்ளார்.

இன்று (27) அதிகாலை 3 மணியளவில் இவ்விபத்து நேர்ந்துள்ளதுடன், குறித்த தனியார் பஸ்ஸின் சாரதியை கைது செய்துள்ளதாகப் பொலிஸார் தெரிவித்துள்ளனர்.

சம்பவத்தில் உயிரிழந்தவர்  பாலவி, கரம பகுதியை சேர்ந்த 23 வயதுடையவரெனத் தெரிவித்தப் பொலிஸார், குறித்த நபரை மாதம்பை வைத்தியசாலையில் அனுமதிக்கப்பட்ட நிலையில், சிகிச்சை பலனின்றி உயிரிழந்துள்ளதாக மேலும் தெரிவித்தனர்.