ஹெலியை வீடியோ செய்தவர் கைது

ஐனாதிபதி மைத்திரிபால சிறிசேன பயணித்த ஹெலிகொப்டரை, தன்னுடைய அலை பேசியில் வீடியோ செய்த்தாக கூறப்படும் இளைஞனை பொலிஸார் கைது செய்துள்ளனர்.

அந்த ஹெலி, பம்பலப்பிட்டிய பொலிஸ் மைதானத்தில், நேற்று தரையிறங்கிய போதே, வெள்ளவத்தையில் தங்கியிருந்து தொழில் புரியும் 26 வயதான இளைஞன் கைது செய்யப்பட்டுள்ளான்.

ஆசைக்காகவே தான், வீடியோ எடுத்ததாக தெரிவிக்கும் அவர், லிந்துலையை வசிப்பிடமாகக் கொண்டவர் என்றும், வெள்ளவத்தையில் தங்கியிருந்து லொறி சாரதியாக கடமையாற்றுகின்றார் என்றும் விசாரணைகளில் ஊடாக தெரியவந்துள்ளது.

அவர் தொடர்பில் பயங்கரவாத புலனாய்வு பிரிவினர் மற்றும் இரகசிய பொலிஸார் விசாரணைகளை ஆரம்பித்துள்ளனர்.
ஜனாதிபதி மைத்திரிபால சிறிசேன, இரத்தினபுரிக்கு சென்று ஹெலிகொப்டரில் திரும்பியமை குறிப்பிடத்தக்கதாகும்.