ஹோட்டன் சமவௌியில் ட்ரோன் கமராவைப் பயன்படுத்திய வைத்தியர் கைது

ஹோட்டன் சமவௌி தேசிய வனப் பகுதிக்குள் ட்ரோன் கமராவைப் பயன்படுத்தி புகைப்படங்களை எடுத்த வைத்தியரும் மற்றுமொரு நபரும் கைதுசெய்யப்பட்டு நுவரெலியா நீதவான் நீதிமன்றில் ஆஜர்படுத்தப்பட்டனர்.

இதனையடுத்து முதலாவது சந்தேகநபரிடம் 1500 ரூபாய் அபராதமும் 2000 ரூபாய்  அரசாங்கக் கட்டணத்தையும் செலுத்துமாறு நீதவான் பிரமோத் ஜயசேகர உத்தரவிட்டுள்ளார்.

இரண்டாவது சந்தேகநபரை 40,000 ரூபாய் அபராதத் தொகையைச் செலுத்துமாறும் நீதவான் உத்தரவிட்டுள்ளார்.

அத்துடன் சந்தேகநபர்களிடமிருந்த ​ட்ரோன் கமரா, அலைபேசி மற்றும் சிம் அட்டை என்பவற்றை அரசுடமையாக்குமாறும் நீதவான் உத்தரவிட்டுள்ளார்.

வன விலங்குகளை இம்சிக்கும் வகையில் செயற்பட்டமை மற்றும் வனஜீவராசிகள் அதிகாரிகளின் கடமைகளுக்கு தடையேற்படுத்தியமை ஆகிய குற்றச்சாட்டுகளின் கீழ் சந்தேகநபர்கள் கைதுசெய்யப்பட்டு நீதிமன்றில் ஆஜர்படுத்தப்பட்டமை குறிப்பிடத்தக்கது.