தம்பலகாமத்தில் 1191 பேர் இடம்பெயர்வு

(எஸ்.எஸ்.குமார்)
கந்தளாய் குளத்தின் நீர் இன்று திங்கட்கிழமை வெளியேற்றப்பட்டமையால் இப்பிரதேசத்தில்   வெள்ளம் அதிகரித்து காணப்படுகின்றது.  இதனால் தம்பலகாமம் பிரதேசத்தில் இருந்து 282 குடும்பங்களைச் சேர்ந்த 1191 பேர் இடம்பெயர்ந்து 7 முகாம்களில் தங்க வைக்கப்பட்டுள்ளனர்.  

இதேவேளை கிண்ணியாவில், ஆலங்கேணியை அடுத்துள்ள  ஈச்சந்தீவு கிராமம் வெள்ளத்தில் மூழ்கும் நிலைதோன்றியுள்ளது. இக்கிராமத்தை சுற்றி ஆறு பாய்வதுடன் அதன் நீர் மட்டமும் அதிகரித்து வருகின்றது. அச்சம் காரணமாக இக்கிராம மக்கள் வீடுகளில் இருந்த வெளியேறி விபுலாநந்தா வித்தியாலயத்தில் தஞ்சம் அடைந்துள்ளனர்.