திருகோணமலை கடற்பரப்பில் உட்பிரவேசித்த 16 மீனவர்கள் கைது

(கஜன்)

திருகோணமலை, சம்பூர் அதியுயர் பாதுகாப்புக் கடற்பரப்பில் 6 மீன்பிடிப் படகுகளுடன் 16 மீனவர்கள்  கைதுசெய்யப்பட்டனர். இந்த சம்பவம் நேற்று சனிக்கிழமை மாலை இடம்பெற்றது.

திருகோணமலை, சம்பூர் அதியுயர் பாதுகாப்புக் கடற்பரப்பில் உட்பிரவேசித்ததாகக் கருதப்படும் 6 மீன்பிடிப் படகுகள் கடற்படையினரால் சுற்றிவளைக்கப்பட்டு பிடிக்கப்பட்டன. அத்துடன் மீன்பிடிப்படகுகளிலிருந்த  16 மீனவர்களும்  கைதுசெய்யப்பட்டனர்.

கடற்படையினரால் கைதுசெய்யப்பட்ட 16 மீனவர்களும் திருகோணமலை துறைமுக பொலிஸாரிடம் ஒப்படைக்கப்பட்டுள்ளனர்.

இவர்களை மூதூர் நீதிமன்ற நீதவான் முன்னிலையில் இன்று ஞாயிற்றுக்கிழமை ஆஜர்படுத்தவுள்ளதாக திருகோணமலை துறைமுகப் பொலிஸார் தெரிவித்தனர்.