புறநகர் கிராமத்தில் புதிய சுகாதார நிலையம்

(எஸ்.எஸ்.குமார்)

திருகோணமலை, ஈச்சிலம்பற்று பிரதேச செயலக பிரிவிலுள்ள புறநகர் கிராமத்தில் சுகாதார நிலையமொன்று நேற்று புதன்கிழமை  காலை திறந்து வைக்கப்பட்டது.

இலங்கை செஞ்சிலுவைச் சங்கம், ஜேர்மன் செஞ்சிலுவைச் சங்கம் என்பன கூட்டாக இணைந்து புதிய சுகாதார நிலையமொன்றை அமைத்துக் கொடுத்துள்ளனர்.  ஐரோப்பிய ஒன்றியத்தின் தலைமை இயக்குனர் வில்லி வண்டர்பேர்க், திருகோணமலை பிராந்திய சுகாதார வைத்திய அத்தியட்சகர் வைத்திய கலாநிதி ஞானகுணாளன் இணைந்து இதனை திறந்து வைத்தனர்.